Игротека Смајли: Лавиринт од детска игра и смеа

Денес разговаравме со Златко Чапов, сопственик на кафе игротека „Смајли“ кое веќе 2 години е клучно место за дружење за најмладите во Бутел 1, исполнувајќи ја потребата на заедницата за модерен, безбеден и хигиенски простор за игра и прослави.

Колку време постои игротеката и што ве инспирираше да ја отворите? Кое е вашето искуство со работа со деца?

Игротека „Смајли“ постои скоро две години, а примарната инспирација за отворање беше да се придонесе кон заедницата во нашата општина Бутел 1, каде што постоеше јасна потреба за ваков вид установа за забава и едукација на најмладите, бидејќи пред нашето отворање немаше соодветна алтернатива. Иако претходно не поседувавме формално работно искуство со дечиња во овој сектор, огромната желба, искрената љубов кон децата и јасно дефинираната визија за создавање на безбедно, модерно и инспиративно место за игра, беа клучните двигатели кои нѐ мотивираа да се одлучиме на овој голем чекор и да се посветиме на градење на „Смајли“.

Доколку можете да процените, колку родендени досега се прославени во „Смајли“? Која е вашата тајна за успешна и незаборавна забава?

Со гордост можеме да процениме дека до сега во „Смајли“ имаме организирано и прославено над 240 родендени, а клучот за нашиот успех и тајната за создавање на незаборавна забава се базираат на два столба.

Прво, тоа е специјално изработениот проект на самиот простор, кој е дело на професионалци во своето поле, дизајниран да понуди максимална функционалност и визуелна привлечност.

Второ, подеднакво важно, е нашиот посветен персонал кој е специјално обучен за работа во оваа област, вклучувајќи анимација и грижа за децата, а нивната работа е водена од голема желба и искрена љубов кон интеракцијата и играта со дечињата.

Во денешно време, хигиената е најважна за родителите. Како како игротека внимавате на одржувањето на хигиената и која е вашата рутина за дезинфекција на просторот и реквизитите?

Свесни сме дека хигиената е од суштинско значење за родителите и таа е наш врвен приоритет, поради што одржувањето на чистотата во игротеката се спроведува секојдневно, каде на дневна база темелно се чистат и двата простори, тој што е наменет за дечињата и комфорниот дел за возрасните. Дополнително, за да се осигураме дека сите површини и опрема се безбедни, дезинфекција се врши еднаш неделно на сите реквизити во игротеката, со специјално средство кое е безбедно за дечињата, а воедно делува ефикасно.

Кои стандарди ги исполнуваат вашите реквизити и опрема за игра? Како се грижите за безбедноста на сите реквизити и дали редовно правите проверки за да спречите повреди?

Нашите реквизити и целокупната опрема за игра се изработени и набавени така што ги исполнуваат највисоките стандарди за безбедност и сигурно користење од страна на дечињата, со што гарантираме дека играта се одвива во најзаштитена можна средина. За да ја одржиме оваа сигурност на највисоко ниво, редовно правиме детални проверки за безбедност на реквизитите, кои се специјално дизајнирани со меки материјали, заоблени рабови и издржлива конструкција, се со цел превенција од повреди и обезбедување на целосно безбедно искуство за секое дете.

Освен просторот за игра, родителите често бараат удобно место за себе. Колкава е вкупната површина на игротеката и колку голем е делот наменет за возрасните?

Просторот на игротеката е специјално и паметно дизајниран за да биде максимално искористен, а во исто време да им овозможи на родителите постојано и непречено да ги набљудуваат своите дечиња додека тие безгрижно си играат. Делот наменет за возрасните е внимателно уреден за нивна максимална удобност и содржи 40 удобни и квалитетни маси и столици распоредени во различни бои, со што се постигнува усогладен и модерен изглед како што доликува на една модерна и современа игротека.

На што најмногу се радуваат децата кога доаѓаат кај вас?

Можеме да кажеме дека сите реквизити претставуваат атракција во „Смајли“, бидејќи се специјално дизајнирани за да го задржат вниманието и да се користат подолг временски период додека децата се присутни во игротеката, овозможувајќи разновидност во играта. Сепак, ако треба да издвоиме еден елемент, тогаш највеќе време поминуваат во огромниот лавиринт кој се протега на двата спрата, а во себе содржи многу специјални елементи и пречки, се со цел да се стимулира физичката активност, истражувањето и да се задржи вниманието и воодушевувањето на децата додека се во „Смајли“.

Игротека „Смајли“

Работно време 

понеделник - сабота

⏰ 10:00 - 22:00

📞071 878-638