Здрава инспирација: Неколку рецепти од Елена Бубало

Денес споделуваме избор на здрави и нутритивно богати рецепти од Елена Бубало (Healty.me).

Нејзината филозофија е едноставна: вкусна храна која го храни телото и нуди совршен баланс на протеини, влакна и добри масти.

Cottage протеински крекери

СОСТОЈКИ:

• 2 пакетчиња cottage cheese 360 грама

• 2 јајца

• 3 лажици семки од тиква

• 50 гр дробено ленено семе

• 100 гр овесни снегулки

• сол, лук, хербален зачин по избор

• 1 голем рендан морков

ПОДГОТОВКА:

Се матат јајцата заедно со cottage-от, во блендер се блендираат овесот, семките од тиква и ленот, па се истураат во јајцата, се додаваат останатите состојки како морков и зачини.

Смесата е прилично сува, затоа убаво да се измешаат состојките.

Се нанесува на тавче претходно намачкано со маслиново но тенок слој.

Се пече 30’ на 190 степени, може и повеќе ако сакате покрцкаво, а може и помалку, исто така и зависи од дебелината.

1/3 од смесата може да ви биде оброк со некој намаз.

---

Јајце тост тортиља

СОСТОЈКИ:

• 2 јајца

• 50 гр ситни овесни снегулки

• 20 гр пршута опционално

• 50 гр протеински Бубало хумус

• 50 гр грчки јогурт

• Рукола

• Краставички

• Сол

• 1 среден рендан морков

  
  

ПОДГОТОВКА:

Се матат јајцата со сол, се додава овесот и моркови и се меша до хомогена смеса.

Се додава смесата на претходно загреан тостер или може на големо тавче.

Се пече кратко 3-4', но сепак зависи и на што ја правите, се со цел да не е многу сува од овесот.

После тоа се редат останатите состојки како вам ви одговара.

Се намотува и може да се пресече на два дела.

---

Брзи палачинки наместо леб

СОСТОЈКИ:

• 100 гр овесно брашно

• 80 гр мешавина семки од тиква и семки од сончоглед

• 1 лажичка сода

• 1 лажичка лук

• 2/3 шоља кисело млеко или било што течно за регулирање на густина

  
  

ПОДГОТОВКА:

Сите состојки се блендираат и се остава смесата да од стои барем 5-7 минути.

Се пече на многу малку маслиново во тава.

Излегуваат околу 17-20 палачинки.

БОНУС РЕЦЕПТ:

Рецепт за вафли/мафини со какао и банана

СОСТОЈКИ:

• 2 јајца

• 1 банана

• 55 гр овесни снегулки

• 50 гр лешници

• 2 лажици мед (ако сакате поблаго додади повеќе)

• 2 лажици семки од тиква

• 1 лажичка цимет

• 1 лажичка сода

• Прстофат сол

• 2 лажички 100% какао

• 1/4 или малку повеќе од тоа зависи од густината шоља растително млеко или вода

ПОДГОТОВКА:

Сите состојки се блендираат во блендер (до хомогена полутечна смеса).

Претходно добро да е загреано апаратче за вафли, крофни или мафини, а може и во рерна во калапчиња за мафини.

Излегуваат околу 12 мафинчиња. Пола смеса може да биде оброк (462 калории), а 1/4 да биде ужинка.

Во двата случаи може да додадете еден грчки јогурт за екстра протеин.