Детското однесување како форма на комуникација: Совети од Тимот А

Како специјален едукатор и рехабилитатор во Тимот А, во секојдневната пракса – преку спроведување развојни проценки и индивидуални третмани – постојано се среќаваме со деца кои во раниот развоен период се соочуваат со бихејвиорални предизвици, односно манифестираат неприфатливи шеми на однесување.

Еве само неколку чести причини, симптоми и препораки.

Зошто се јавуваат овие предизвици?

• Задоцнување во експресивниот говор и отежната вербална комуникација;

  
  

• Неусогласени воспитни шеми на родителите;

  
  

• Прекумерно време пред екран со несоодветна содржина;

  
  

• Недоволно развиени социоемоционални вештини;

  
  

• Недоволно социјално искуство;

  
  

• Фаза на негација (околу 2 годишна возраст) која бара внимателно водење.

Како се манифестираат?

• Удирање, викање, агресивни реакции;

  
  

• Повлекување, избегнување или „бегање“ од ситуации;

  
  

• Легнување на земја, бурни испади;

  
  

• Изразена приврзаност кон еден родител;

  
  

• Различни облици на однесување.

Во домот да имаме едно однесување додека надвор и во градинка сосема друго однесување што често ги буни родителите.

Важно е да знаеме: Секое однесување е форма на комуникација.

Кај децата кои доцнат во развојот, особено во говорот, ова однесување често е нивниот начин да кажат „нешто ми треба“ или „не можам поинаку“.

Некои од овие реакции се и научени модели – детето запомнило дека на тој начин некогаш ја постигнало посакуваната цел.

Што можеме да направиме како родители?

• Бидете свесни и присутни;

• Поставете јасни и здрави граници;

• Бидете доследни во ставовите;

• Дајте кратки и сигурни насоки;

• Избегнувајте долги расправии, викање и условувања;

• Не влегувајте во непотребни дебати со детето;

• Ограничете време пред екран и избирајте соодветна содржина.

Децата учат преку пример, емоција и доследност – не преку страв.

Раното препознавање и правилниот пристап се клучни за здрав развој и стабилно однесување. Нешто кое што секојдневно се залагаме во Тимот А.

Доколку препознавате вакви предизвици кај вашето дете, навремена поддршка може да направи голема разлика.

Напомена:

Ова се само дел од секојдневните примери кои ги среќаваме во пракса.

Кај секое дете е потребен индивидуален пристап согласно неговите развојни одредници и интереси.

За полесно растење и полесно совладување на предизвици ве очекуваме во Тимот А

075 317 241

Пишува: М-р Сашко Кочов, специјален едукатор и рехабилитатор во Тимот А