ЛОГОПЕДСКА ПОДГОТОВКА ЗА ДЕЦА ПРЕД ПОАЃАЊЕ ВО УЧИЛИШТЕ
- Кидо Медо
- Feb 3
- 2 min read
Зошто не е важна само буквата, туку и говорот, јазикот и самодовербата
Поаѓањето во прво одделение е голем чекор и за детето и за родителите. Многу често фокусот оди на буквите, броевите и училишниот прибор, а се заборава нешто навистина клучно, дали детето е говорно и јазично подготвено за училишните барања.
Што значи логопедска подготвеност
Логопедската подготовка не се однесува само на правилен изговор на гласовите. Таа опфаќа јасен и разбирлив говор, добро развиен речник, формирање правилни реченици, разбирање на инструкции, фонолошка свесност односно способност за слушање и разликување на гласови, прераскажување со логичен тек на мислата, како и внимание, меморија и комуникациски вештини. Сето ова е основа за успешно читање, пишување и учење без стрес.
Кога е препорачливо да се направи логопедска проценка
Најдобро е логопедска проценка да се направи шест до дванаесет месеци пред поаѓање во училиште, особено ако детето меша или изоставува гласови, има сиромашен речник, тешко прераскажува приказна, не разбира посложени инструкции, брзо се фрустрира или има тешкотии со внимание и концентрација. Раната проценка значи повеќе време за работа и напредок без притисок.
Зошто логопедската подготовка е толку важна
Дете кое не е јазично подготвено може потешко да учи да чита и пишува, почесто да ја губи самодовербата, да развие отпор кон училиштето и да се чувствува помалку успешно од своите врсници. Од друга страна, дете кое е соодветно подготвено оди во училиште посигурно, посмирено и со поголема желба за учење.
Што вклучува логопедската подготовка
Логопедската подготовка пред училиште опфаќа говорна корекција, развој на јазик и речник, вежби за слушање и внимание, активности за предчитачки и предпишувачки вештини, како и јакнење на самодовербата и комуникацијата. Сето тоа се спроведува преку игра, разговор и структуирани активности прилагодени на потребите на секое дете.
Порака до родителите
Логопедската подготовка не значи дека нешто не е во ред со вашето дете. Таа значи дека му давате сигурна основа за еден важен животен период. Ако се прашувате дали вашето дете е подготвено за училиште, логопедската проценка е првиот и најсигурен чекор.
Ивана Илијоска
📞071 963 667
