Сместен на ул. Дамаска 12/1-4, во пријатен и функционален простор во Скопје, кабинетот „Од А до Ш“ веќе 9 години нуди стручна и посветена логопедска поддршка за деца и семејства.

Нашата мисија е рано препознавање и навремена интервенција, бидејќи веруваме дека секое дете заслужува можност за јасна, функционална и самоуверена комуникација.

Работиме со деца од најрана возраст, уште од првите сомнежи за доцнење во говорниот и јазичниот развој. Особен акцент ставаме на:

• рана проценка

• рано препознавање на ризици

• рана интервенција што прави реална разлика во текот на развојот

Нудиме стручни третмани и проценки за широк спектар на говорно-јазични потешкотии, вклучувајќи:

• доцнење во појава на првите зборови

• артикулациски нарушувања (изговор)

• јазичен развој (разбирање и изразување)

• флуентност (течење на говорот)

• комуникациски тешкотии (вкл. спектар на аутизам)

• пореметувања на глас

• потешкотии во учење (читање, пишување)

• советување за родителите и практични насоки за поддршка дома

Кабинетот „Од А до Ш“ не е само работно место – тоа е топол, пријателски и мотивирачки простор, каде што децата се чувствуваат безбедно, прифатено и поддржано. Веруваме дека учењето и напредокот се случуваат најдобро кога има доверба, игра и разбирање.